
كنت قد بدأت منذ عده أيام فى قراءة كتاب "تاكسى" لخالد الخميسى وانه بحق من أكثر الكتب التى اُعجبت بها لانه يعكس بصدق صورة المجتمع المصرى بجميع اختلافاته و تناقضاته وطيبته وغلظته , الكتاب عباره عن اجزاء حواريه اقامها خالد الخميسى مع سائقى التاكسى على مدار عام كامل , لا انكر انه هناك بعض الالفاظ التى صدمتنى ولم اكن اتوقع ان اقرأها بين طيات كتاب ما فى يوم من الايام ولكنه ايضا ألّهمنى واستووقفتنى تقريبا اغلب القصص الحواريه التى قرآتها حتى لان
سوف انقل لكم واحدة من هذه الحوارت التى اقامها الكاتب مع سائق التاكسى
السائق : وبيسألو الاقتصاد بايظ من ايه ؟!
بايظ من الناس .. تصدق بلد زى مصر دى .. شعبيها بيدفع اكتر من عشرين مليار جنيه فى السنه على التليفونات.. عشرين مليار جنيه, يعنى لو ماتكلمناش سنتين تلاته ’ مصر حاتختلف؟
شعب مهووس والله .. مش لاقى ياكل وكل واحد ماشى معاه موبيل وفى بقه سجارة..
رجاله المفووض عندها مخاخ وبتدفع فلوسها على المصبتين دول التليفونات والسجاير , وفى الاخر يقولوا أصل البلد حالتها مش ولا بد
كل فلوس الناس بتروح فى جيب اربع شركات... الاتصالات وموبيبنيل وفودافون والشرقية للدخان
والاعلانات الله يخرب بيتها عماله تضغط على الناس اشتركوا فى موبيبنيل , لا اشتركوا فى فودافون .. عالم مجنون .. الاعلانات دى لازم تتمنع .. عالم أكاذيب ومفتوح علينا طول النهار والليل... ماشى فى الشارع شايف اعلانات .. تفتح الراديو شايف اعلانات...
تروّح البيت تلاقى التليفزيون مفتوح ..إعلانات وكلها سفاله وكذب
والناس عماله زى المواشى ماشيه وراه الإعلانات وعماله تُكع فلوس وفى الاخر يقولولنا البلد مافيهاش فلوس
إزاى يعنى أومال المليارات اللى بتتصرف فى الهواء جاية منين ؟
مش الفلوس دى أولى تروح على الاكل وعلى السكن وعلى التعليم وعلى الصحه.. بس تقول لمين .. إذا كان رئيس الوزارة بتاعتنا هو رئيس التليفونات... يعنى بتاع كلام فى الهوا...
بس بصراحه المشكله مش فى الحكومه المشكله فى عبط الناس الى عماله تفرتك فلوسها على الهوا والدخان.
أنا لو مسكونى البلد دى يوم واحد , لأ دقيقة واحدة ... القرار الوحيد الى ح أطلعة هو منع الإعلانات
زمان على أيامنا كانت الإعلانات لخدمة المجتمع.. هما كام إعلان , وكان الله بالسر عليم , أنما دلوقتى الاعلانات لخراب المجتمع وحتخربها وتقعد على تلها .. وأبقا قول أبو إسماعيل قالى .
بايظ من الناس .. تصدق بلد زى مصر دى .. شعبيها بيدفع اكتر من عشرين مليار جنيه فى السنه على التليفونات.. عشرين مليار جنيه, يعنى لو ماتكلمناش سنتين تلاته ’ مصر حاتختلف؟
شعب مهووس والله .. مش لاقى ياكل وكل واحد ماشى معاه موبيل وفى بقه سجارة..
رجاله المفووض عندها مخاخ وبتدفع فلوسها على المصبتين دول التليفونات والسجاير , وفى الاخر يقولوا أصل البلد حالتها مش ولا بد
كل فلوس الناس بتروح فى جيب اربع شركات... الاتصالات وموبيبنيل وفودافون والشرقية للدخان
والاعلانات الله يخرب بيتها عماله تضغط على الناس اشتركوا فى موبيبنيل , لا اشتركوا فى فودافون .. عالم مجنون .. الاعلانات دى لازم تتمنع .. عالم أكاذيب ومفتوح علينا طول النهار والليل... ماشى فى الشارع شايف اعلانات .. تفتح الراديو شايف اعلانات...
تروّح البيت تلاقى التليفزيون مفتوح ..إعلانات وكلها سفاله وكذب
والناس عماله زى المواشى ماشيه وراه الإعلانات وعماله تُكع فلوس وفى الاخر يقولولنا البلد مافيهاش فلوس
إزاى يعنى أومال المليارات اللى بتتصرف فى الهواء جاية منين ؟
مش الفلوس دى أولى تروح على الاكل وعلى السكن وعلى التعليم وعلى الصحه.. بس تقول لمين .. إذا كان رئيس الوزارة بتاعتنا هو رئيس التليفونات... يعنى بتاع كلام فى الهوا...
بس بصراحه المشكله مش فى الحكومه المشكله فى عبط الناس الى عماله تفرتك فلوسها على الهوا والدخان.
أنا لو مسكونى البلد دى يوم واحد , لأ دقيقة واحدة ... القرار الوحيد الى ح أطلعة هو منع الإعلانات
زمان على أيامنا كانت الإعلانات لخدمة المجتمع.. هما كام إعلان , وكان الله بالسر عليم , أنما دلوقتى الاعلانات لخراب المجتمع وحتخربها وتقعد على تلها .. وأبقا قول أبو إسماعيل قالى .
ملحوظه مهمه: تحقق مصر واحدة من أدنى معدلات الأدخار فى العالم , حيث بلغ متوسط معدلات الادخار من1998الى 2004
نحو13.6%, نتيجه لسيادة الثقافه الاستهلاكية التى تروج لها أجهزه الاعلام , مما يمنع معدل نمو الاقتصاد المصرى
وقتها سألت نفسى هذا السؤال ماذا لو كنت رئيس جمهوريه ما القرار الوحيد الذى سوف اتأخذه؟؟
بما انى الان رئيسة جمهورية نفسى فاعتقد ان قرارى الوحيد الذى سوف اتأخذه هو منع الاستيراد نهائيا والاعتماد فقط على موارد الدولة المتاحه مما يساعد على بناء العديد من المصانع الوطنيه التى سوف تنتج سلع لها طابع مصرى عربى ,وسوف توفر الكثير من فرص العمل وبالتالى سوف تساعد على حل مشكله البطاله وما ادراكم ما البطاله وما المشاكل المترتبه على وجودها
دعونى أرى قرارتكم أيها الرؤســـــــاء
30 comments:
والله يا دودو القرار اللي بتقوليه ان مثلا مش عايزه تشتري المستورد علشان تدعمي منتج بلدك ده حاجه جميله جدا وكان زمااان مش زمان اوي يعني شباب عامل حمله صنع في مصر بس انا راي ان تشتري المصري اللي فعلا بيحاول يتطور و يبدع ويصمم مش المصري الللا قلته احسن
ليه؟؟؟؟ لان انتي لو اشتريت المنتج التعبان عمر الراجل ما هيفكر يرتقي بيه ويحسنه بالعكس هيحس انه شغال و للاسف ممكن يسوئه اكتر علي اساس مبدا الفهلوه اللي احنا مبتليين بيه
انا عن نفسي نفسي اعمل اكتفاء ذاتي لنفسي من حيث مثلا عمل الفول والعيش والذبادي والعصاير واليطاطس المحمره والمربات والمخللات وكل اللي اقدر عليه وايه المانع مثلا لو ليا جاره شاطره هي حاجه اشتريها منها وانا كمان لو اصبحت شاطره هي حاجه ابيعها لها وكده اللي هو كانو زمااااان بيعلموه للبنات في المدارس في حصه كان اسمها الاقتصاد المنزلي ولو كل واحد ابتدي بنفسه في مجاله اكيد هنبقي احسن
وحتي في الدروس الخصوصيه لو الام والاب تولوا الاولاد في المذاكره هيوفروا جدا وخصوصا انها اصبحت مافيا
اما عن الاعلاانات اللي الراجل اتكلم عنها فهي فعلا كارثه لكن ممكن تفاديها
ما نفتحش التلفزيون ليل نهار و ما نسمحش لحد انه يستغلنا ربنا كرمنا بعقل يعني
و في النهايه البوست جميييل ربنا يوفقك
بوست رائع خاصة تعليقك
الحقيقه انا معاك فى رفض المنتجات المستورده
بس هتعملى ايه وكل شئ حواليك مستورد
انا لما بنزل اشترى حذا ءببعد عن الصينى وبرضه الشنط والملابس بحبها مصريه
انظق بس الصينى تقبله احلى وتحسى مهتمين يبيعوا لك حتى الهواء بكل كويس
عيب الصناعه فى مصر التقفيل اللى يحسسك ان اللى بيشتغل مستعجل وهيقع المصنع على راسه
كمان عندنا التجار بجد بجد جشعين بيدورا على المكاسب الكبيرة فبيشتروا الرخيص ويبيعوه على إنهم الغالى
على كل حال هنبطل نمط الاستهلاك لو المعروض قل
ولازم نبدأ بانفسنا
جزاك الله خير على البوست
معلهش بكتب بسرعه
اقصد المنتج المصرى انظف من حيث الخامات
ولكن الصينى افضل تقفيل وتشطيب تحسى حتى الرخيص شكله كويس
مسلمه
والله يا ساره مبدأ الفهلوه ده احنا الى بنمشيه بمزاجنا يعنى لو قلنا لاء مش راضيين بالمنتج ده اكيد هايطور نفسه او هايظهر على الساحه مصانع تانيه منافسه وهايضطر انه يطور نفسه لانه لو بجد محسنش من مستواه هايتخرب بيته بجد
اما مبدأ الاكتفاء الذاتى ده انا معاكى فيه جدا جدا وده المبدأ الاساسى من وجهه نظرى الشخصيه الى بيوقع فكره الستهلاك يعنى كل النماذج الى ذكرتيها دى لو اتعملت فى البيت هاتوفر تقريبا نص التمن من انها تتجاب من السوبر ماركت وهاتحقق معدل كويس من الادخار فى البيوت
بس بعيد عنك كده احنا بقينا مصابين بداء الكسل ده الريموت بتاع التلفزيون بيكون بعيد شويه ونكسل نقوم نجيبه ونخلى اى حد معدى يجيبهولنا تقولى لمين باه مربى ومخلل هو فيه احسن من السوبر ماركت؟؟!!!
بس انا لسه معرفتش ايه هو القرار لوحيد الى شيفاه ممكن يغير حال البلد
اصل القرار اللي انا شيفاه يمكن يكون بعيد شويه عن البوست
هو استبدال المنظومه التجهيليه المتهالكه بتعليم بجد
التعلييييييييييييم هو الحل بس يكون التعليم اللي بيبني امم مش اللي بيسبب للناس الغباء وبيحد من قدراتهم
الفقيرة إلى الله أم البنات
يا حبيبتى انتى تكتبى بسرعه او ببطئ ولا يهمك البيت بيتك يعنى كفايه انك منورانى
والله انا معاكى فعلا ان المصرى افضل خامه واسوء تقفيل على عكس الصينى تماما
انا حاسه اننا اعدنا ننادى بالانفتاح الانفتاح لحد ما ضاعت هويتنا وبقينا مستعمريين اقتصاديا
كل فلوسنا الى بنتعب ونشقى فيها رايح على الهوا فى التلفيونات والسجاير زائد انها كمان رايح فى جيب المسوردين ويصب طبعا جزء كبير منها فى ازدهار التجاره الخارجيه والصين على رأسهم طبعا
ومش كده وبس لا دول بيجوا عندنا علشان يفتحوا مصانع وشركات تقريبا كده ببلاش لانهم بيستغلوا العماله المصريه الى اجورها متدنيه وبيعملوا منتجات كويسه ودى بتتصدر وحاجات تانيه خامتها مش اد كده ودى الى بتنزل السوق المصرى
والدوله بس فرحانه الاستثمار وفرص العمل الى بتوفره الشركات دى للشعب
ماهى برضوا لو الشركات دى مصريه هاتوفر نفس فرص العمل
انا نزلت المنطقه الصناعيه عندنا هنا وطبعا اغلب المسسثمريين هنود وصينين والعماله الى موجوده اغلبها اه مصرى بس حتى دى الى كنا فرحانين بيها دلوقتى فى كميه كبيره جدااااااااااااا من العماله الهنديه عندنا
فرحانين بس بالعمله الصعبه الى بيدخلوها والله احنا الى حالتنا صعبه ربنا يرحمنا
مسلمه
عندك حق يا سارة التعليم فعلا هو الاساس بس انا شايفه ان التعليم مش محتاج مناهج تتغير وبس محتاج كمان مدرسين قدوه يحببوا الطلاب ومحتاج أباء متفتحيين يراعوا موهبه وعقول ابنائهم
استنى عليا كمان عشره خمستاشر سنه علشان انا ناويه امسك وزيره التعليم فى مصر ههههههههه
السلام عليكم ورحمة الله وبركاته
اسم المدونه جميل، فحبيت اشارك فى التعليق على الموضوع بعد لما لمحت عنوان كتاب تاكسى الل انتهيت من قرائته من بضعة أشهر كتاب فعلا متميز بسيط وبينقل واقع مؤلم لكن حقيقي اتفق معاكِ فى وجود بعض الألفاظ اللى ازعجتنى لكن الكتاب ككل ممتاز وتجربه جديده. وأخيرا عجبنى جدااا سؤالك لو كنت رئيس هتعمل ايه بصراحة المركب غرقت خالص فقرار واحد لن يكفى لإعادة الوضع فكره منع الإستيراد مقترحه لكن مستحيل تكون على خطوه واحده الموضوع اصبح كبير الفساد ملى البلدحاليابقراء رواية ربع جرام واللى حسستنى بان مشكلتنى مش بس اقتصاديه ولا سياسه ولا دينيه مشكلتنا الحقيقه فى الغزو المرعب اللى حصل على فئة الشباب واقتحام الهروين أنف ودماء ملاين الشباب إلى أن أصبح العادى والمقبول أن يكون الشاب حشاش وعلى الجميع تقبل الخبر بصدر رحب، الله المستعان الموضوع كبير بس الله أكبر والإراده والرغبه فى الإصلاح أهم.
أسفه على الإطاله
السلام عليكم
اختى الكريمه
جزاكم الله خيرا على الموضوع الهام
فعلا مشكله الاستهلاك كبيره وكمان المشكله الاكبر ان الاستيراد هو الاساس
لكن اعتقد ان نسبه كبيره اصلا من الناس بترشد استهلاكها برضاها او غصب عنها بسبب قله الموارد
لان الناس بعد غلو الاسعار المتزايد وشبه ثبات الرواتب اصبح بند الاكل هو الاساسى فى ميزانيه البيت
وحتى لا يظن احد شىء فالمقصود هنا هو الاكل العادي وليس المرفه
يبقى المفروض تشجيع المشروعات الداخليه بغض النظر عن من يقوم بها اقصد انه سواء من يقوم بها من المقربين ام لا
بالاضافه الى تشجيع الجمعيات الاهليه فهى تساعد على خدمه المجتمع واقامه المشروعات الصغيره وهى نقطه هامه جدا
اطلاق حريات التعبير بشكل كبيرواخذ اراء الناس فى القرارات الهامه فيزداد الانتماء وروح العمل لتطوير البلاد واحساس الشباب باهميته
وهناك الكثير من الامور
بس كده الموضوع هايطول مني
اشكرك مره اخرى على الموضوع وترك حريه الراى
سلمى *ساجدة للرحمان*
وعليكم السلام ورحمه الله وبركاته
اولا برحب بزيارتك الاولى للمدونه عندى والحمدلله ان اسمها عجبك
ثانيا انت عندك حق فعلا قرار واحد مش هايغير الحال فىى مصر بس كان قصدى من سؤالى ده ايه اكتر حاجه لازم تتغير من وجهه نظر كل واحد
وبصراحه انتى شجعتينى ان ادور على روايه ربع جرام دى لانى لما لفيت فى النت عليها كمان لاقيت كلام عنها كويس جدا
فعلا مشكله الادمان مصيبه وكارثه كبيره علينا بس انا شيفه سببها الاساسى الفراغ وتفكك الاسره جايز يكون الجيل الحالى جيل فى ورطه بس اعتقد ان المشكله هاتقل كتيييييييير لو مابقاش عند الشباب دول وقت فراغ
حاجه اخيرة احب اضيفها لما دخلت على البروفيل بتاعك وعرفت انك علوم واضح كده ان المدونه عندى اغلب زوارها من علوم او ناس مهتمه بالجانب العلم الدم بيحن برضوا هههههههههه
م/محمود فوزى
وعليكم السلام ورحمه الله
انا متفقه مع حضرتكان فيه بعض المنتجات استغنت عنها الاسر المصريه نتيجه للظروف الاقتصادية زى ما حضرتك ذكرت
بس ده معناه ان لو معاهم فلوس برضوا هايصرفوها لانهم معندهومش ثقافه ترشيد الاستهلاك اساسا
هدى لحضرتك مثال فى كتير من الناس منتميه للطبقه الى بنقول عليها مستورة بتعمل جمعيات علشان تغير الموبايل بتاعها وتجيب الاحدث!!!
وفى من الطبقه الفقيره اهم حاجه عندهم السجاير اهم من الاكل والشرب !!! ده اسمه ايه
اقتراح حضرتك بتاع تفعيل دور الجمعيات الاهليه وتنشيط المشروعات الداخليه برضوا اقتراح جيد جدا
جزاكم الله خيرا على التعليق والمشاركه فى الرأى
اختى الكريمه
جزاكم الله خيرا على ردك المتميز وموضوعك الهام
اذا ناس بتعمل جمعيه عشان تغيير المحمول فده تصرف غريب
رغم انه ممكن يعمل جمعيه عشان حاجه اهم
لان الجمعيه دي بتقلل من مرتبه الشهرى فلازم تكون لحاجه مهمه
اما اللى بيكون مش معاه وبيشرب سجاير فدول ربنا يهدينا ويهديهم
ده بيشترى مرضه بايده وكمان باللى معاه
السجاير دى مصيبه
ربنا يبعدنا عنها
ايوه انا معاكي ان ثقافه ترشيد الاستهلاك مش موجوده كتير
وان كانت احيانا بتفرض نفسها
ربنا يكون فى عون الجميع
اشكرك مره اخرى
ربنا يكرمك ويسعدك
الاخت الفاضلة ان الحرمان والذى عانت منة مصر فى عهد الحكم اليسارى والفكر المركسى فى عهد عبد الناصر اصاب الناس بالهوس عندما ذهب هذا الحكم الى غير رجعة فاكان الناس فى هذا العصر لا يعرفوا معنى الاقتصاد الحر ولا اى شى عنى الخارج والتقدم التكنولوجى وعند فتح الباب على العالم الجارجى تهافت الناس على شراء اى شى مفيد او غير مفيد لتعويض ما عانوة من الزمن البائس حيث كان الطعام يوزع على البطاقات التموينية واللحمة والفراخ والسمك يوزع فى المجمعات الاستهلاكية وكانت ايام سوداء حيث الستات والرجالة يخروجو فى توابير طويلة من الصباح الباكر وكان الزحام شديد والامن المركزى يضرب الجميع وكان مدير الجمعية غالبا فساد ويبيع المنتجات فى السوق السوداء ليس الناس هم المسئولين عما نحن فية انما انظمة الحكم البعيدة عن تقاليدة واعرافنا الاسلامية والتجار الذين يحتكرون كل شى وهمهم الاول مصالحهم
http://altahrosh.blogspot.com
يستحق نظرة منك
السلام عليكم
الناس بتكلم وهي نفسها من قلبها ان مصر تبقي مرتاحة ماديا متعرفش ان في يد خفيهبتخسف بيها الارض كل متتقدم متعرفش انها عايزة مصر ديما في النازل
كلنا بنتمني للمص التقدم الاقتصادي ولا باليد حيلة
ندعي ونقول يارب
بس فعلا اعلانات زمان كانت هادفة بتصلح من احوال المجتمع
والان مخربة بتفسد ناس المجتمع
ربنا يرحمنا
muhammed
حقيقة اخى الكريم تعليقك اضاف الى معلومات جديدة لم اكن اعرفها من قبل فجزاك الله خيرا
اما قولك بان الحكومات هيا المسؤله عما يحدث من هوس استهلاكى فلا انفى مسؤليه الحكومات ولكنى ارى من وجهه نظرى الشخصيه اانا مستسلمون للعب دور ضحايا الحكومات فالمجتمع ايضا قوه لا يستهان بها اطلاقا بل هيا المحركه للحكومات
نعم معكى كل الحق ان المجتمع قوة لا يستهان بها ولكن الاعلام يلعب ويغسل العقول خصوصا ان معظم الناس غير مثقفين حتى فى الدول المتقدمة انظرى ماذا يقدم الاعلام الغربى عن الانسان المسلم مما جعل الناس فى الدول الغربية تكرهنا بدون سبب حتى قبل احداث 11 ستمبر وهنا انظرى كيف فى وقت قصير استطاع الاعلام ان يلهى الناس ويصرف نظرهم عن مشاكلهم وهمومهم الحقيقية
وندخل فى صراع لا قيمة لة مع الجزائر واية السبب اللعب والهو واشعالهم نار الفتنة والكراهية بين شعبين بالكذب والتضليل والناس معزورة فى ان تصدق و ان تجرى وراء اى كذبة تصدقها لتفريغ الكبت والشحن النفسى وهذا فى راى يرجع لعدم وجود رموز و زعماء حقيقيون لا يبغون السلطة والمنافع فقط فقد اختفت كل الرموز والزعماء ولا يسمح الا بالمنافقين واصحاب المصالح للظهور على الساحة وبذلك لا يقود الشعب او يرشدة الى الطريق الصحيح ولولا كتاب الله وسنة رسولة لضاع الكثيرون فى متاة الحياة
هل لى ان اعلق هنا على موضوع الاعلانات والله برافوا عليكى على الموضوع الجميل دة وانك لحظتية طبعا انتى فى بلد لا قيمة لانسان الا بقيمتة المادية سواء كانت فلوس او شهرة ولا ادرى ما اقول لكى انظرى كيف يتعاملون مع المواطن العادى فى اقسام الشرطة وغيرها
لى موضوع قريب من ذلك لكى كامل الحرية فى ان تلقى نظرة علية
http://mhmdwahab.blogspot.com
mhmdwahab
اتفق مع حضرتك جدا ان سياسات الدوله واتجهاتها هيا الى بتوجهه الاعلام بتاعها وان كان يُزعم انه هناك اعلام حر فبرضوا يظل مقيد بصوره او باخرى
وان شاء الله هاشوف الموضوع بتاع حضرتك
شكرا على التعليق
( إلا تنصروه فقد نصره الله إذ أخرجه الذين كفروا ثاني اثنين إذ هما في الغار إذ يقول لصاحبه لا تحزن إن الله معنا فأنزل الله سكينته عليه وأيده بجنود لم تروها وجعل كلمة الذين كفروا السفلى وكلمة الله هي العليا والله عزيز حكيم ( 40 ) ) . كل عام وانتم بخير و جميع المسلمين
أنا كمان بستغرب من كمية الفلوس اللى بتروح على السجاير والمكالمات اللى ملهاش لازمة
واكيد هيكون قرارى غلق جميع مصانع الدخان
ماهو قرارك سليم
بس مش تنسي إن وزارة الخارجية موقعة إتفاقات شراكة
بنستورد ونصدر
يعني ممكن يكون القرار .. ترشيد الاستهلاك
بوست مفيد وجميل جدا تسلم أيدك
تحياتي
متفقه معاكِ جدااا
أما بالنسبة إلى أن الدم بيحن فهو بيحن جدااا
ههههههههههههههه
mhmdwahab
وحضرتك بخير يارب وسنه هجريه سعيده على الجميع
عذرا على التأخير فى الرد لبعض الظروف وجزاكم الله خيرا
موناليزا
قرار حلو برضوا ..
نورتينى يا قمر
mimi
اهلا بيك يا ميمى .. وبعدين ماتنسيش اما اباه امسك باه هبأه ألغى القرار ده هههههههه
اما مساله ترشيد الستهلاك فهى الحل الانسب حاليا لكن للاف احنا مش عندنا الثقافه دى
نورتى المدونه
هاى انا مشترك =جديدهاى كتير عليكوانا بحبكو كتير علشان كدة اشتركت احب اتعرفونى اكتر وانا تشرفت بيكم
وانا متفق على هذا اكيد
بحبكو كتير اوى دائرة الرحلة
إرسال تعليق